App Store

Google Play

is Device Banner Block 894x1036

Stígðu inn í heim af óteljandi sögum

Hlustaðu og lestu

Illugi Jökulsson

Hinn fjölfróði útvarps- og fjölmiðlamaður, rithöfundurinn Illugi Jökulsson kynnir hlustendur Storytel efni gamalla íslenskra bóka af öllu tagi. Þar getur verið um að ræða ævisögur og endurminningar, sögurit og frásagnir af öllu tagi, þjóðsögur, skrímslasögur og hvaðeina milli himins og jarðar.

Skræður

Þórdís Ebenesersdóttir hét íslensk alþýðustúlka, fædd 1808. Hún varð vinnukona hjá Guðmundi Ólafssyni bónda á Vindhæli nálægt Skagaströnd í Húnavatnssýslu og leið ekki á löngu þar til menn þóttust verða varir við að hún væri farin að gefa bónda hýrt auga. Gallinn var sá að hann var giftur og tók nú við ótrúleg atburðarás þar sem ástir og örlög einstaklinga vógust á við afskiptasöm yfirvöld sem ekki bjóða sér að alþýðufólk fengi að haga lífi sínu eins og því sjálfu þóknaðist. Magnús Björnsson á Syðra-Hólmi skrifaði magnaða frásögn um „húsfrú Þórdísi“ sem hér er lesið úr. Fyrra kast af tveimur.

Skræður er heitið á nýju hlaðvarpi sem hinn fjölfróði útvarps- og fjölmiðlamaður Illugi Jökulsson sér um. Þar kynnir hann hlustendum Storytel efni gamalla íslenskra bóka af öllu tagi. Þar getur verið um að ræða ævisögur og endurminningar, sögurit og frásagnir af öllu tagi, þjóðsögur, skrímslasögur og hvaðeina milli himins og jarðar. Illugi kynnir efnið vandlega, segir frá bakgrunni frásagnanna, styttir og dregur saman ef þörf krefur og í tilfelli elstu bókanna lagar hann stundum textann að eyrum nútímafólks. En fyrst og fremst fá hinar gömlu skræður og fróðleikur þeirra að njóta sín. Stórskemmtilegir þættir sem enginn fróðleiksfús hlustandi ætti að láta framhjá sér fara!

Skræður: 02 – Yfirvöldin bönnuðu henni að giftast: Um litríka og átakanlega ævi Þórdísar Ebenesersdóttur I

Síðara kast af tveimur um „húsfrú Þórdísi“ og lesið úr frásögn Magnúsar Björnssonar um hana, ástir hennar og samferðafólk. Hér víkur sögunni til dansks kaupmanns á Skagaströnd sem Friðrik hét Hillebrandt. Það var stórlega breyskur maður sem ætlaði sér annað og meira hlutskipti en daga uppi á fátæklegum verslunarstað á Íslandi og varð líf hans einkar róstusamt. Sjálfur gerðist hann beiskur og þegar leiðir hans og Þórdísar Ebenesersdóttur lágu saman hafði hann af henni þau not sem hann þurfti, en lék hana þó hrottalega um leið. Sagan endaði í niðurlægingu og hörmung, en alltaf bar „húsfrú Þórdís“ sig jafn vel.

Skræður er heitið á nýju hlaðvarpi sem hinn fjölfróði útvarps- og fjölmiðlamaður Illugi Jökulsson sér um. Þar kynnir hann hlustendum Storytel efni gamalla íslenskra bóka af öllu tagi. Þar getur verið um að ræða ævisögur og endurminningar, sögurit og frásagnir af öllu tagi, þjóðsögur, skrímslasögur og hvaðeina milli himins og jarðar. Illugi kynnir efnið vandlega, segir frá bakgrunni frásagnanna, styttir og dregur saman ef þörf krefur og í tilfelli elstu bókanna lagar hann stundum textann að eyrum nútímafólks. En fyrst og fremst fá hinar gömlu skræður og fróðleikur þeirra að njóta sín. Stórskemmtilegir þættir sem enginn fróðleiksfús hlustandi ætti að láta framhjá sér fara!

Skræður: 03 – „Ég er frú Hillebrandt samt“ - Um litríka ævi og átakanleg ævilok Þórdísar Ebenesersdóttur II

Gvendur dúllari var einn þeirra óvenjulegu manna sem pössuðu illa inn í hefðbundið íslenskt samfélag á 19. öld. Hann var ekki „eins og fólk er flest“ og lengst af ævinnar flakkaði hann um sveitir og lifði á því sem fólk lagði honum til. Til skemmtunar bauð hann upp á svokallað „dúll“ sem var eins konar söngl í mörgum tilbrigðum. En hann var líka nokkuð stórskorinn karakter og í hópi frægustu förumanna á sinni tíð.

Skræður: 71 – Okkar sérkennilegu flakkarar I: Gvendur dúllari

Margir erlendir gestir komu til Íslands á 19. öld og báru landinu og landsmönnum misvel söguna. Í þessu kasti er lesið úr minningum Frakkans Charles Edmond, sem gefur vægast sagt dapra lýsingu af Íslandi, og svo Sir George Mackenzie, sem lýsir höfuðstaðnum Reykjavík mjög skemmtilega árið 1810, og ekki síst mektarmönnum eins og Ólafi Stefánssyni stiftamtmanni.

Skræður: 87 – Glöggt er gests augað: Engin gleði eða ímyndarafl

Í þessu kasti er lesið úr minningum Björgúlfs Ólafssonar læknis, sem starfaði á Borneó og víðar í Indónesíu á árum fyrri heimsstyrjaldar. Margt kemur framandlega fyrir sjónir, og lýsingar Björgúlfs eru fullar af furðu aðkomumannsins en um leið hlýju og velvild. Hann lýsir líka dramatískum atburðum, til dæmis krókódílaveiðum þegar mikið gengur á, vægast sagt. Og mannlífið er auðugt og skemmtilegt.

Skræður: 97 – Íslenskur læknir á framandi slóðum: Björgúlfur á Borneo I

Í aldir var samband íslenskra bænda við kindur sínar mjög náið, enda valt lífsviðurværi stórs hluta landsmanna á sauðfjárrækt. Svokallað forystufé var sérstaklega mikils metið, enda réði það ferðinni á ferðum kindanna í hvaða veðrum sem var. Í bókinni Forystufé safnaði Ásgeir Jónsson frá Gottorp saman mögnuðum frásögnum af forystufé sem fann á sér illviðri og arkaði gegnum snjóstorma eins og ekkert væri. Ótrúlegar frásagnir af harðgerðu fé.

Skræður: 72 – Forystufé I: Kragi, Kolur, Gráni og fleiri Skagfirðingar

Eftir að Kristín Dahlstedt setti upp matsölu í Reykjavík dreif margt á daga hennar. Matsalan gekk vel og meðal þeirra sem hún kynntist voru lífskúnstnerar eins og Símon Dalaskáld. En hún var ennþá ung og þráði að fá tækifæri til að skemmta sér og lifa lífinu. Að lokum varð hún ástfangin og barnshafandi á ný, en sú saga endaði með harmleik. Aftur var hún komin til Kaupmannahafnar og stóð þar uppi bjargarlaus með ungt barn. En lífið átti eftir að komast að því fullkeyptu, Kristín Dahlstedt gafst aldrei upp og hófst nú handa við að reisa sig við að nýju með sínum ódrepandi krafti.

Skræður: 86 – Litrík kona segir frá, endurminningar Kristínar Dahlstedt VII – Lífslistamenn í Reykjavík, harmleikur í Kaupinhafn

Jón Jónsson hét íslenskur bóndi, fæddur 1829 í Mývatnssveit. Á tímum þegar Ísland var afskekkt og einangrað og menntun alþýðu takmörkuð, steig Jón það einstæða skref að kenna sjálfum sér ensku og skrifaði svo sjálfsævisögu sem birtist í ensku blaði. Í þessu kasti er lesið upphaf ævisögunnar þar sem Jón segir frá uppruna sínum og dvöl í Kaupmannahöfn á æskuárum.

Skræður: 90 – Einstæð bók I: Íslenskur bóndi skrifaði sjálfsævisögu á ensku!

John Ross Brown var ungur og gáskafullur Breti sem kom hingað til lands árið 1862 og skrifaði fjöruga ferðasögu sína og gaf út. Þar lýsir hann háttum Íslendinga almennt og dregur upp ágætar mannlýsingar af fólki sem hann hittir fyrir. Sérstaklega athyglisverðar þykja nú til dags lýsingar hans á samskiptum karla og kvenna í baðstofum fyrri tíma. Sumir hafa talið lýsingarnar frábært dæmi af kvennakúgun, en aðrir benda á að óhjákvæmilegri verkaskiptingu samfélagsins hafi verið um að kenna. Umfram allt er lýsing Ross Browns þó fjörmikil og skörp.

Skræður: 94 – Ferðasaga John Ross Brown I

Ida Pfeiffer var þýsk kona sem ferðaðist um landið 1845. Í þessu kasti númer 2 úr minningum hennar segir hún frá ferðalögum sínum um landið, fegurð landsins en líka undarlegu hátterni hinna innfæddu. Þeir fylgjast sífellt með henni eins og naut góna á nývirki, og þykir henni oft nóg um. Hún er látin gista í kirkjum, sem virðast notaðar eins og geymsluhús, og sóðaskapurinn hvarvetna er yfirgengilegur.

Skræður: 100 – Íslandsferð Idu Pfeiffer 1845: Seinni hluti - fegurð landsins og sóðaskapur innfæddra

Í þessu öðru kasti af þremur upp úr Sögu Snæbjarnar í Hergilsey lýsir hann ógleymanlegu fólki við Breiðafjörð en meginhlutinn er þó helgaður miklum mannraunum sem hann lenti í á sjónum. Eftir erfiða drauma, sem Snæbjörn tók jafnan mikið mark á, lendir bátur með honum og nokkrum öðrum á í miklum sjávarháska og alls óvíst hvort menn munu komast af. Þarna er lýst hlutskipti og örlögum íslenskra sjómanna um aldir. En um leið eru persónulýsingar Snæbjarnar stórmerkilegar og hvernig hann leggur sig fram um að sneiða hjá tilfinningasemi þótt miklar og heitar tilfinningar búi undir niðri.

Skræður: 31 – Sjávarháski og feigðardraumar: Saga Snæbjarnar í Hergilsey II

Hlustaðu og lestu

Other podcasts you might like ...