App Store

Google Play

{{seriesTitle}} - serían

is Device Banner Block 894x1036

Stígðu inn í heim af óteljandi sögum

Hlustaðu og lestu

Ármann Jakobsson

Ungur maður, óþekktur, finnst látinn í húsagarði í litlum bæ úti á landi. Nýstofnuð morðrannsóknardeild lögreglunnar fer þegar á staðinn en er vandi á höndum.

Bærinn er sneisafullur af erlendum ferðamönnum og skemmtigarður nýopnaður, kattamorðingi gengur laus, tvær systur virðast ráða öllu sem máli skiptir – og ein úr lögregluliðinu á miður góðar minningar úr þessum smábæ.

Útlagamorðin er vönduð glæpasaga þar sem Ármann Jakobsson prófessor í miðaldabókmenntum sýnir á sér algjörlega nýja hlið. Hér skrifar hann ekki um víg í Íslendingasögum heldur glæpi í nútímanum í launfyndnum en hörkuspennandi reyfara.

Arnar Dan Kristjánsson

Storyside

Bjartur

Kristín og félagar

Útlagamorðin

Tvær konur liggja í valnum í Reykjavík. Þær hittust aldrei í lifanda lífi, svo vitað sé, og tengdust ekkert, sama hversu djúpt lögreglan reynir að grafa. Nema kannski í gegnum hinn dularfulla urðarkött sem skrifar lögreglunni torræð bréf …

Urðarköttur er önnur glæpasaga Ármanns Jakobssonar. Hér rannsakar sama teymi og í Útlagamorðunum dularfull morð í Reykjavík. Persónurnar spretta ljóslifandi fram í launfyndinni sögu sem erfitt er að leggja frá sér.

Friðrik Erlingsson

Urðarköttur

Fjórir ungir menn fara saman á veiðar – misjafnlega vanir skotvopnum. Hvað gæti farið úrskeiðis? Eina andvökunóttina sér níræð kona, sannkallað hörkutól, mann með derhúfu bogra yfir stóru röri í nágrenni íbúðar hennar í úthverfi Reykjavíkur. Þegar hún lítur þar við á göngu síðar sér hún lík í rörinu vafið inn í teppi.

Hér fæst rannsóknarteymið geðþekka sem lesendur þekkja úr fyrri bókum Ármanns við afar sérstakt sakamál: nestorinn Bjarni, Kristín arftaki hans, hin formfasta Margrét Krabbe og fallegi kvennabósinn Njáll.

Tíbrá er hörkuspennandi krimmi en líka skemmtisaga um glæp; hér er á ferðinni einstaklega fyndin og mannleg saga um breyskar manneskjur og þær sem örlögin hafa leikið grátt, en ekki síður forherta afbrotamenn.

Tíbrá er þriðja glæpasaga Ármanns Jakobssonar en þær fyrri, Útlagamorðin og Urðarköttur, hafa hlotið frábæra dóma.

Guðjón Davíð Karlsson

Tíbrá

Á gistiheimili í miðbæ Reykjavíkur finnst erlendur karlmaður látinn. Engin persónuleg gögn eru í hótelherberginu, enginn farsími né heldur skýrar vísbendingar um hvert erindi mannsins var til Íslands. Hið eina sanna sem finnst er miði sem á stendur heimilisfang: Freydísargata 14. Í því húsi búa þrjár konur sem hver virðist hafa sinn djöful að draga.

Ármann Jakobsson hefur í glæpasögum sínum skapað frábært rannsóknarteymi og hér er það lögreglukonan Kristín sem axlar aukna ábyrgð í margslungnu sakamáli. En um leið stendur hún á krossgötum í eigin lífi.

Haraldur Ari Stefánsson

Skollaleikur

Ungur maður finnst kyrktur í Heiðmörk með rúmal, klút sem indverskir atvinnumorðingjar notuðu fyrr á öldum. Rannsóknarteymið sem lesendur Ármanns Jakobssonar þekkja úr fyrri bókum hans stendur frammi fyrir sérkennilegri ráðgátu því að þremur árum fyrr beitti tékkneskur morðingi nákvæmlega sömu aðferð við að myrða unga menn á Reykjum – en hann situr innilæstur í fangelsi. Ekki minnkar örvænting rannsóknarteymisins þegar annar maður finnst myrtur með nákvæmlega sama hætti. Og í báðum tilvikum hafa bláklæddar konur sést við morðstaðinn.

Reimleikar er fimmta glæpasaga Ármanns Jakobssonar um rannsóknarlögreglurnar Kristínu, Bjarna og þeirra lið, sem notið hafa mikilla og vaxandi vinsælda. Hér í frábærum lestri Haraldar Ara Stefánssonar.

Reimleikar

Lögreglukonan Kristín erfir óvænt gamalt prestsetur á landsbyggðinni, ásamt hálfbróður sínum. Setrið er á jörðinni Stóru-Hlíð þar sem eru fáein íbúðarhús önnur og eitt gistiheimili. Kristín sér húsið sem kærkomið athvarf frá glæpaerlinum í höfuðborginni. Á staðnum býr lítill en fjölskrúðugur hópur fólks á ólíkum aldri, á ólíkum stað í lífinu og með ólíkar þarfir og langanir - og einn morðingi. 
 
Prestsetrið eftir Ármann Jakobsson er bráðskemmtileg og spennandi saga um glæp. Þetta er stjötta bók hans um lögregluteymi Kristínar og Bjarna en hver þeirra er sjálfstæð. Sigurjón Sighvatsson hefur tryggt sér kvikmyndaréttinn á Tíbrá úr sömu seríu.

Prestsetrið

Rannsóknarteymið geðþekka fæst við hin ýmsu glæpamál. Í teyminu eru; nestorinn Bjarni, Kristín arftaki hans, hin formfasta Margrét Krabbe og fallegi kvennabósinn Njáll. Við fáum að kynnast þeim í þessum skemmtilegu glæpasögum.

Kristín og félagar - serían

Kristín og félagar - serían

Kristín og félagar bækurnar í röð

Hlustaðu og lestu