Silja

Silja er eini starfandi læknirinn í plássinu. Álagið er mikið og Silja þarf líka að glíma við heilsuleysi og magasár frá unglingsárunum. Hún býr með vinkonu sinni, Hörpu sem lesendur þekkja úr samnefndri sögu, og Birtu, listakonu sem kemur inn í líf þeirra beggja sem stormsveipur með leyndardóma í farteskinu. Niðurrif á fölskum vegg í húsi þeirra kvenna leiðir til dramatískra breytinga á lífi Silju. Eftir skoplegan árekstur við Silju tekur snjóruðningsmaðurinn Óli upp á því að taka hana að sér. Hann gerist sérlegur, en þó allskostar ófaglegur einkaþjálfari og næringarráðgjafi hennar. Það kveikir nýjar og óvæntar tilfinningar. Áður en Guðrún J. Magnúsdóttir sló í gegn með bókinni Álfadalur og síðar með Rokið í stofunni, skrifaði hún þríleikinn sem kenndur er við litla sjávarplássið fyrir vestan, Fróðeyri. Silja er önnur bókin í seríunni og býður ekki upp á minni rómantík og spennu, kímni og kósíheit en sú fyrri. Hér er á ferðinni saga um skemmtilegar og sterkar konur úr íslenskum veruleika sem komnar eru að krossgötum á ævileiðinni og neyðast til að breyta til, hrökkva eða stökkva.

© 2026 Storyside (Hljóðbók): 9789181285659
© 2026 Storyside (Rafbók): 9789181285666

Útgáfudagur

Hljóðbók: 7 maj 2026
Rafbók: 7 maj 2026