Dætur regnbogans

Líf Margrétar er enginn dans á rósum en aðeins sextán ára að aldri er hún nauðug gefin sýslumanninum Páli. Sem betur fer er hún umvafin góðu fólki, þar á meðal Halldóru vitru, dularfullri konu sem vill halda fortíð sinni leyndri og sem sumir segja að sé göldrótt. Dag einn er hryllilegt morð framið á prestsetrinu. Páll sýslumaður rannsakar málið en það er ekki mikið um vísbendingar. Veit Halldóra vitra eitthvað meira um málið? Dætur regnbogans er dásamleg saga sem segir af ævintýralegri lífsbaráttu og örlögum ótrúlegra persóna sem lifað hafa lengi í hugum lesenda. Saga kvenna sem berjast fyrir lífi sínu og hamingju í heimi þar sem örlög þeirra eru undirorpin grimmd og óréttlæti feðraveldisins og harðar refsingar geta legið við að fylgja hjarta sínu. Birgitta H. Halldórsdóttir hefur staðið meðal fremstu rithöfunda Íslands áratugum saman og haldið lesendum fullkomlega föngnum. Stórfenglegur lestur Svandísar Dóru Einarsdóttur laðar þig inn í kynngimagnaða veröld Birgittu sem er ekki öll þar sem hún er séð og býr þig jafnvel undir meira!

© 2024 Storyside (Hljóðbók): 9789180853231
© 2024 Storyside (Rafbók): 9789180853248

Útgáfudagur

Hljóðbók: 6 maj 2024
Rafbók: 6 maj 2024