Þegar fall Berlínar vofði yfir fól Adolf Hitler ungum aðstoðarmanni að varðveita dagbók sína. Í dagbókinni er sannkallað sprengiefni: ítarlegar lýsingar á fundum sendimanna Hitlers og Roosevelts Bandaríkjaforseta um að semja vopnahlé og taka höndum saman gegn Sovétríkjunum. Fulltrúi Bandaríkjanna í þessum viðræðum var faðir núverandi forseta, Jacks Cazalets.

Voldugir andstæðingar Cazaletz beita öllum brögðum til að komast yfir dagbókina — og það er undir Sean Dillon komið að afstýra því. Við sögu koma skrautlegir karakterar — gamall nasistaforingi sem á fjallháar innistæður í svissneskum bönkum, ríkasta kona Arabalanda, hryðjuverkamenn IRA, Saddam Hussain, félagar úr glæpagengi Lundúnaborgar, auk hins óviðjafnanlega Sean Dillons og samstarfsmanna hans.

Jack Higgins er af mörgum talinn meistari spennusagnanna.

© 2019 Storyside (Hljóðbók): 9789178899227

Þýðandi: Atli Magnússon

Útgáfudagur

Hljóðbók: 3 maj 2019