Á alþjóðlegri ráðstefnu um sársauka hittir Madame Louise de Roubaix doktor Ólaf Benediktsson. Hún hrífst af framgöngu hans og sér að hann er kjörinn til að reka vafasöm erindi hennar á Íslandi. Í gamalli ullarverksmiðju við Álafoss hefur óvenjulegt fjölleikahús búið um sig. Miklar sögur fara af þeirri óhugnanlegu starfsemi sem þar fer fram og sum atriðin hljóma líkt og kraftaverk. Leyndarhula hvílir þar yfir öllu og áður en Ólafur veit af er hann sjálfur orðinn hluti af sýningunni.

Guðrún Eva Mínervudóttir hlaut Menningarverðlaun DV 2005 fyrir þessa einstæðu skáldsögu sem fullu nafni heitir Yosoy – Af líkamslistum og hugarvíli í hryllingsleikhúsinu við Álafoss. Þetta er kraftmikil skáldsaga um sársauka og mannlegt eðli, göfugar ástir og afkáralegar, meðfædda hæfileika og áunna – saga um það hvernig menn rækta þær guðsgjafir sem þeim eru gefnar. Þorvaldur Davíð Kristjánsson les.

© 2020 Storyside (Hljóðbók): 9789152128572

Útgáfudagur

Hljóðbók: 27 juli 2020