Bannogahkku - Eventyret om Pannekaka på samisk

Lei oktii áhkku geas ledje čieža nealgemáná geaidda son lei bánnogáhkuid báistimin. Dat ledje gássegáhkut. Vuosttaš gáhkku lei bánnos jo, ja dat orui doppe ja geavai ja šattai assái ja njálggat. Buot mánát čužžo birra ja gehčče, ja áddjá čohkkái maid das. “Oh, attes jo munnje veaháš gáhkus, eadnán, mus lea nu nealgi” dajai okta mánná. “Oh ráhkásan” dajai nubbi. “Oh ráhkis, buorre,” dajai goalmmát. “Oh ráhkis buorre, šiega,” dajai njealját. “Oh ráhkis, buorre, šiega, čáppa,” dajai viđát. “Oh ráhkis, buorre, šiega, čáppa, siivu,” dajai guđát. “Oh ráhkis, buorre, šiega, čáppa, siivu, láđis,” dajai čihččet mánná ja nu buohkat ánuhedje bánnogáhku. Okta láđđáseappot go nubbi, go buohkat ledje nu nelgon ja nu šiegat. “Jo, mánáidan, vuordet beare dassá go dat jorgala” dajai áhkku. – dassái go mun jorgalahtán dan , livččii galgan dadjat – “de oažžubehtet buohkat bánnogáhku; gea man assái ja čeavlái dat orru dieppe bánnos.” Go bánnogáhkku dan gulai, de son ballái. Duos dás ain de jorgalattai iežas bánnos dassá go lei bures goikan ja starggasmuvvan. Fáhkka bánnogáhkku njuikii láhttái ja jorralii johtilit olggos ja geaidnoráigge dego juvla. “Gula!” čurvii áhkku ja viehkalii maŋŋái nu johtilit go sáhtii, firon ovtta gieđas ja bánno nuppi gieđas, mánát su maŋis ja áddjá vel skierpmu maŋimusas.

© 2019 Blikkboks LTD (Lydbok): 9788283961638

Oversetter: Heidi Guttorm Einarsen

Utgivelsesdato

Lydbok: 1. mai 2019