Thengaimoodi Athisayam

சமுதாயத்தில் மற்றும் வாழ்க்கையில் நாம் காணும் யதார்த்தமான அல்லது விந்தையான முரண்பாடுகள் நல்ல கதைகளுக்கு கருவாக அமைகின்றன. கம்ப்யூட்டர் என்றால் ‘கிலோ என்ன விலை?’ என்று கேட்கும் மனைவி பிறிதொரு நாளில் தகவல் தொழில்நுட்ப விற்பன்னரான தன் கணவரைப் பற்றி, ‘அவருக்கு இந்த டெகனாலஜிலாம் அவ்வளவா வராது,’ என்று தோழிகளிடம் பீற்றிக் கொள்வதும் இப்படிப்பட்ட முரண்பாடு. இதன் நகைச்சுவை முதலில் நம்மை சிரிக்க வைத்தாலும், அவளது கூற்றில் உள்ள முரண்பாடும், யதார்த்தமும் ஒருங்கே நம்மை சிந்திக்க வைக்கின்றன. இப்படிப்பட்ட கதைகள்தான் வாசகர்கள் மனதில் தாக்கத்தை ஏற்படுத்துகின்றன. “தேங்காய்மூடி அதிசயம்” என்னும் இந்த தொகுப்பு தமிழில் என் முதல் புத்தகம். இதில் உள்ள கதைகள் சிறிய சிறுகதைகள் என்னலாம். இவை யாவுமே வேகமான நடையை கொண்டவை. அனைத்துக் கதைகளுமே முன்னுரை, நடப்பு, முடிவுரை என்ற பாரம்பரிய அமைப்பு இல்லாமல், வாசகர்களை நடப்பினுள் உடனடியாக இழுத்துச் சென்று, திடுமென முடியும் அமைப்பை கொண்டவை. சில கதைகள் ஆழ்ந்த கருத்துகளைக் கொண்டவை; சில சிரித்து ரசித்து, சிறிது சிந்திக்க வாய்ப்பளிக்கும் வகை; சில “அடப்பாவமே!” அல்லது “அடப்பாவி!” என்று அதிரவைக்கும் வகை.

วันที่วางจำหน่าย

อีบุ๊ก : 5 มกราคม 2565