Ishwaryam Tharum Athirsta Karkal

எப்படி ஒரு நோயாளி இந்த மருந்தைச் சாப்பிட்டால் தனது நோய் குணமாகிவிடும் என்ற நம்பிக்கையோடு அந்த மருந்தை உட்கொள்ளுகிறானோ, அதைப் போலத்தான் வாழ்க்கையில் ஏற்படும் கஷ்ட, நஷ்டங்களையெல்லாம் தாண்டி நாம் ஒரு உன்னத நிலைக்கு வர வேண்டும் என்ற குறிக்கோள் உள்ளவர்கள், அவர்களுக்குரிய அதிர்ஷ்ட கற்களை நம்பிக்கையுடன் அணிந்தால் தான் அவர்களுடைய குறைகளெல்லாம் நிவர்த்தி ஆகும். மேலும் பல அதிர்ஷ்ட வாய்ப்புகளும் அவர்களுக்கு உருவாகும்.

கற்களைப் பற்றி தெரிய விரும்புவர்களும், அதைப்பற்றி ஓரளவு தெரிந்தவர்களுக்கும் மற்றும் பொதுவான வாசகர்களுக்கும் பயன்படும் வகையில் இப்புத்தகம் படைத்துள்ளேன். இந்நூலில் Precious Stones, மற்றும் முக்கியமான Semi precious Stonesகளைப் பற்றி ஒவ்வொரு அத்தியாயமாகக் குறிப்பிட்டிருக்கிறேன். இதைத் தவிர மற்ற துணை ரத்தினக் கற்களும் இருக்கின்றன. ஆனால் அவை நடை முறையில் எளிதாகக் கிடைக்க இயலாத காரணத்தினால் அவற்றைப்பற்றி நான் இப்புத்தகத்தில் குறிப்பிடவில்லை. இப்புத்தகத்தை உங்கள் அதிர்ஷ்டத்திற்கான பொதுவான வழிகாட்டியாக எடுத்துக் கொள்ளுங்கள்.

எந்த ரத்தினக் கல்லையும் அழகுக்காகவோ, கவர்ச்சிக்காகவோ, அவசரப்பட்டு வாங்கி அணிய வேண்டாம். ஒன்றிற்கு இரண்டு தடவை, உங்கள் ஜாதகத்தையும் (இராசி, அம்சம் உள்பட) பிறந்த எண்ணையும், கூட்டு எண்ணையும் (விதி எண்) மற்றும் பெயர் எண் முதலானவற்றை அனுபவமிக்க ஜோதிடர்கள் மூலமாக ஒத்துப் பார்த்து, அதன் பிறகு தான் உங்கள் ராசிக்கல்லை நீங்கள் தேர்வு செய்ய வேண்டும்.

மேலும் இப்புத்தகத்தின் பின் பகுதியில் நீங்கள் விரைவாகவும், எளிதாகவும் தெரிந்து கொள்ள (Refer செய்து கொள்ள) கற்கள், கிரகங்கள், பிறந்த மாதம், எண் கணித சாஸ்திரம் பற்றிய பயனுள்ள குறிப்புகளை அட்டவணைகளாகத் தந்துள்ளேன். அதையும் படித்து பலன் பெறுங்கள்.

Release date

Ebook: 30 September 2020