Felix Bergsson

Felix Bergsson (1967) er rithöfundur, leikari, dagskrárgerðarmaður í sjónvarpi og útvarpi og söngvari. Ferill hans spannar næstum 50 ár en hann hóf vegferðina sem barn að aldri í aðalhlutverki í Krukkuborg eftir Odd Björnsson í Þjóðleikhúsinu. Felix hefur alla tíð unnið mikið fyrir börn og er samstarf hans og Gunnars Helgasonar eða Gunna og Felix landsfrægt. Felix hefur sent frá sér fjórar bækur um Ævintýri Freyju og Frikka á Storytel og er fimmta bókin væntanleg. Felix les bækurnar sjálfur en lesari með honum er Þuríður Blær Jóhannsdóttir, besta leikkona Íslands. Þá má finna eldra hljóðefni með honum og hinum margverðlaunaða Gunnari Helgasyni á Storytel. Þar má nefna efni eins og Traust og Trygg og ýmis ævintýri Gunna og Felix. Felix er búsettur í Reykjavík, giftur Baldri Þórhallssyni og þeir eiga tvö (eldgömul) börn, tvö (jafn gömul) tengdabörn og þrjú kornung barnabörn. Hann elskar barnamenningu, leikhús, sjónvarp, tónlist, fótbolta, CrossFit , ferðalög á fjarlægar slóðir og margt margt fleira.

Mynd: Ragnar Visage