Af fingrum fram – Tónlistarmaðurinn Jón Ólafsson ræðir við íslenskt tónlistarfólk um feril þess og lífshlaup.

Björn lenti í alvarlegu slysi sem krakki og segist ljónheppinn að hafa lifað það af. Krakkarnir uppnefndu hann, enda var hann stærri en gengur og gerist. Stærðina gat hann nýtt sér í íþróttum en honum hundleiddist í skólanum. Eftir að hafa heyrt í Jimi Hendrix og séð Óðmenn í sjónvarpinu komst ekkert annað að en að eignast gítar. Nám í Los Angeles var vendipunktur í lífi Björns og að því loknu kom hann aftur til Íslands, gjörbreyttur maður. Hann hefur spilað með mörgum af þekktustu gítarleikurum í heimi og á stóran aðdáendahóp í Vesturheimi.

Upphaf þáttanna Af fingrum fram má rekja tæp 20 ár aftur í tímann þegar samnefndir sjónvarpsþættir hófu göngu sína hjá RÚV og hlutu þeir Edduverðlaunin strax á fyrsta vetri. Þættirnir skipta nú tugum, rétt eins og spjalltónleikaröð í Salnum sem ber þessa sömu yfirskrift og hefur gengið fyrir fullu húsi í 11 ár. Jón er meðlimur í hljómsveitinni Nýdönsk og hefur verið ótrúlega afkastamikill á hinum ýmsu sviðum tónlistarinnar í áratugi. Hann skrifaði ævisögu Vilhjálms Vilhjálmssonar.

© 2020 Storyside (Hljóðbók): 9789152120330

Útgáfudagur

Hljóðbók: 4 juni 2020