Frá því Dallas Lawson hittir hinn heillandi og alræmda de la Talle greifa, veit hún að ekkert mun verða eins og áður. Kastalinn sjálfur hefur einnig dularfull áhrif á Dallas, en hann er djúpt inni í vínhéruðum Frakklands og segir sagan að þar sé reimt. Dallas er staðráðin í að ljúka ævistarfi föður síns; vinna við endurbætur á ómetanlegum málverkum í kastalanum. Hún sogast hins vegar inn í dularfulla leyndardóma – bæði sem varða kastalann og eiganda hans. Fljótt er ljóst að ekki aðeins málverkin í kastalanum þarfnast blíðu og umhyggju. Þegar Dallas hnýtur um gamalt leyndarmál þróast aðstæður yfir í að verða örlagaríkar, bæði fyrir de la Talle fjölskylduna og Dallas sjálfa. Getur hún treyst franska greifanum? Og voru það örlögin sem ráku hana í fangið á honum, eða var það eitthvað mun óhugnanlegra ... ?

Victoria Holt er eitt höfundarnafna Eleanor Alice Burford Hibbert. Hún fæddist í Bretlandi árið 1906 og lést 1993 og ritaði um 200 sögulegar skáldsögur um ævina undir hinum og þessum höfundarnöfnum, allt eftir umfjöllunarefni sagnanna. Meðal annarra höfundarnafna hennar eru Jean Plaidy og Philippa Carr. Verk hennar hafa unnið til verðlauna, verið þýdd á fjölda tungumála og hafa selst í yfir 50 milljón eintökum um allan heim.

© 2022 SAGA Egmont (Hljóðbók): 9788728038048
© 2023 SAGA Egmont (Rafbók): 9788728037119

Þýðandi: Skúli Jensson

Útgáfudagur

Hljóðbók: 29 september 2022
Rafbók: 28 april 2023