Á miðjum aldri heldur Andreas til lítillar eyjar úti fyrir ströndum Noregs, þar sem hann ólst upp, til að fara yfir dánarbú fósturföður síns. Á eyjunni hafði auðugur grasafræðingur, sem var ráðherra í stjórn Quislings á árum heimsstyrjaldarinnar síðari, sett á fót útópíska nýlendu.

Ýmsar spurningar vakna í huga Andreasar þegar hann snýr aftur. Af hverju hurfu foreldrar hans svo snögglega? Af hverju var fátækum börnum safnað saman á eyjunni? Af hverju voru hann og Minna systir hans aðskilin? Var ríki grasafræðingurinn raunverulega nasisti eða hugsjónamaður á myrkvuðum villigötum?

Magnþrungin skáldsaga um dularfulla fortíð, sögusagnir sem fléttast inn í veruleikann, arfbundið hatur og ást sem ekkert fær bugað.

Steve Sem-Sandberg er einn af virtustu skáldsagnahöfundum Svíþjóðar. Eitt þekktasta verk hans er Öreigarnir í Łódź sem komið hefur út í íslenskri þýðingu.

© 2020 Storyside (Hljóðbók): 9789179418946

Þýðandi: Kristín Bragadóttir

Útgáfudagur

Hljóðbók: 13 januari 2020