Löngum hefur stafað ljóma af persónu og afrekum Vilhjálms Stefánssonar, jafnt hér á landi sem í Vesturheimi. Hann var frægur landkönnuður sem fór þrjá leiðangra á norðurslóðir, mannfræðingur, eftirsóttur fyrirlesari og víðkunnur af eigin skrifum og annarra, en þó hefur ætíð verið hljótt um einkalíf hans.

Gísli Pálsson, mannfræðingur og prófessor, segir hér ævisögu Vilhjálms frá nýju sjónarhorni, ekki síst í ljósi fjölmargra nýrra heimilda sem komið hafa fram í dagsljósið. Hann beinir sjónum að tilteknum þáttum í ævi Vilhjálms og störfum sem lítið hefur verið fjallað um til þessa: frásögn ferðadagbókanna, inúítafjölskyldu hans og þögninni sem hún hefur verið sveipuð, konunum í lífi hans, tengslum hans við Ísland og togstreitunni milli einkalífsins og þeirra kenninga sem Vilhjálmur er þekktastur fyrir. Gísli ferðaðist einnig um slóðir Vilhjálms og talaði við afkomendur hans og ýmsa fleiri sem honum tengjast.

Gísli Pálsson dregur hér upp lifandi og um margt óvænta mynd af goðsögninni Vilhjálmi Stefánssyni á afar ljósan og greinargóðan hátt. Bókin er prýdd fjölda mynda og birtist hér í frábærum lestri Stefáns Benedikts Vilhelmssonar.

© 2022 Forlagið (Hljóðbók): 9789979346067

Útgáfudagur

Hljóðbók: 23 september 2022