"Handritagildran: Furðulegasta svikamylla Íslandssögunnar. Enn ein neglan hjá Friðgeiri!" - Ari Eldjárn

Síðustu misseri hefur dularfullur aðili valdið usla í íslenskri bókaútgáfu með glæpsamlegu athæfi. Hann hefur stolið handritum, haft í hótunum við útgefendur og virðist hafa viðkvæmar upplýsingar um einkalíf fólks í bókmenntageiranum undir höndum. Eftir handtöku FBI á 29 ára Ítala í New York virtist málið leyst, en ein mikilvæg spurning stendur eftir: Af hverju?

Er bókaþjófurinn leiðtogi í hópi hakkara? Hefur hann tengsl við Norður-Kóreu, Rússland, Kína? Hvað getur hann hafa grætt á allri þessari vinnu? Er sá hluti glæpastarfsseminnar sem snýr að bókafólki kannski bara toppurinn á ísjakanum? Er þetta allt hluti af stærra samsæri?

Þegar rithöfundinum Friðgeiri Einarssyni varð ljóst að hann væri nýjasta skotmark hins alræmda þrjóts ákvað hann að taka málin í eigin hendur og komast til botns í málinu. Rannsókn Friðgeirs leiddi hann á óvæntar slóðir og um allan heim, allt frá New York til Noregs. Óvæntir aðilar blandast í málið og Friðgeir fer að efast um eigið öryggi.

Í sjötta og síðasta hluta Handritagildrunnar fær Friðgeir svör. En þó ekki endilega akkúrat þau svör sem hann bjóst við. Einhverjir fá lausn sinna mála, og fréttir af stolnu handriti berast. Friðgeir flækist inn í hið geigvænlega bandaríska réttarkerfi. Kemst hann óhultur út aftur?

Handritagildran: Bókaþjófurinn kjöldreginn er ný hljóðsería úr smiðju Storytel Original, eftir rithöfundinn Friðgeir Einarsson.

© 2022 Storytel Original (Hljóðbók): 9789180354356

Útgáfudagur

Hljóðbók: 17 maj 2022