Óvenjuleg og áleitin saga um ást og ástleysi, kynlíf, sjúkdóma og dauða. Snörp ádeila á nútímasamfélag eftir Mikael Torfason.

Hér segir af Marteini Mána, nútímamanni á niðurleið. Hann er þriggja barna faðir í Þingholtunum, hamingju- og öryggisfíkill, markaður af erfiðri bernsku. Foreldrar hans eru af hippakynslóðinni, en sjálfur tilheyrir hann firrtri kynslóð sem sífellt á að vera hress og geysast eftir framabrautinni í góðu formi. En hann er ekki þannig. Hvert á hann að beina reiði sinni yfir vondu hlutskipti? Höfundur fer á kostum í sögu sem er í senn fyndin, tregafull og beinskeytt.

Heimsins heimskasti pabbi (2000), þriðja skáldsaga Mikaels Torfasonar, hlaut góðar viðtökur og var meðal annars tilnefnd til Bókmenntaverðlauna Norðurlandaráðs og Menningarverðlauna DV.

© 2019 Storyside (Hljóðbók): 9789179414030

Útgáfudagur

Hljóðbók: 29 november 2019