Illugi Jökulsson verður stöðugt forvitnari um sögu íslensku þjóðarinnar og margvísleg önnur fræði þar að lútandi. Hann hefur því fengið til sín fjölda fræðimanna til að spjalla við sig um bækur þeirra og aðrar rannsóknir og varpa ljósi á niðurstöður sem oft eru nýstárlegar og spennandi.

Bók Árna Daníels sagnfræðings ber undirtitilinn „Saga af byggð, grasi og vændum 1300“ og þar fjallar hann um landbúnað, landþol, gróður og gróðureyðingu, mannfjölda og mannfelli á nokkrum örlagaríkum öldum Íslandssögunnar. Sérstaklega tekur hann til meðferðar þá spurningu hvort Íslendingar hafi farið illa með land sitt og hins vegar hvort landið hafi í raun verið sérlega illa fallið til búsetu. Og hafði stjórn Noregs- og Danakónga slæm áhrif á lifnaðarhætti og lífskjör Íslendinga? Hversu margir voru Íslendingar í raun og veru á fyrri öldum og hvað olli því að þeim fjölgaði ekki eftir fyrstu aldirnar?

Í viðtali við Illuga Jökulsson segir Árni Daníel frá niðurstöðum sínum en forsendur hans og heimildir eru að mörgu leyti aðrar en helst voru í heiðri hafnar fram undir vora daga. Hér mun margt koma á óvart.

© 2020 Storyside (Hljóðbók): 9789179415235

Útgáfudagur

Hljóðbók: 15 januari 2020