City Lights

இது ஒரு மௌனப்படம். 1931-ல் வெளிவந்தது. இதை எழுதி இயக்கியவர் சார்லி சாப்பிளின். நாயகனும் அவரே. நாயகி வெர்ஜினியா ஷெரில்.

சாப்ளின் பேசும் படம் தோன்றிவிட்ட காலக்கட்டத்திலும்கூட மௌனப் படங்களையே எடுத்து வந்தார். முகபாவங்கள் மூலமாக உணர்த்த வேண்டிய விசயத்தை உரையாடல்கள் மூலம் விளக்க ஆரம்பிக்கும்போது சினிமா தன் ஜீவனை இழந்துவிடக்கூடும் என்று அவர் நம்பினார். முகபாவங்களினால் உணர்ச்சிகளை வெளிப்படுத்தி நடிக்க மௌனப்படங்கள் சாதகமாயிருப்பதாய் நினைத்தார்.

இது ஒரு அற்புதமான காதல் கதை.

சைட் அன்ட் சவுண்ட் என்கிற பிரபல இதழ் நடத்தின வோட்டெடுப்பில் உலகின் மிகச் சிறந்த படவரிசையில் இந்த காவியத்திற்கு கிடைத்திருப்பது இரண்டாவது இடம்.

இந்தப் படத்தின் பிரிமியர் காட்சிக்கு சாப்ளினுடைய ஸ்பெஷல் கெஸ்டாக வந்திருந்தவர் அறிவியல் மேதை ஆல்பர்ட் ஐன்ஸ்டீன் மற்றும் அவர் மனைவி எல்சா.

சாப்ளினின் மௌனப்பட நுட்பத்தை அடியற்றி என்பதுகளில் கமல்ஹாசன் பேசும் படம் என்கிற பேசப்படுகிற ஒரு மௌனப்படம் உருவாக்கி உலகம் முழுக்க வெளியிட்டிருக்கிறார். அது ஒரு நல்ல முயற்சி.

மொழிகளிலேயே அற்புதமான மொழி மௌனம். உணர்வுகளுக்கு உயிர்கொடுக்கும் மொழி அது. அந்த மொழியில் படம் எடுத்தால் டப் செய்யப்படாமலே உலகம் முழுவதும் மொழி தெரிந்தவர்களும், தெரியாதவர்களும் இந்தக் கலையை பார்த்து ரசிக்க முடியும் என்பது மௌனப்படங்களின் தனிச்சிறப்பு.

கிட்டத்தட்ட எண்பது வருடங்களுக்கு முன் உருவாக்கப்பட்ட இத்திரைக்காவியம் நுட்பமான காதலியல் கொண்டிருப்பது படிப்பவர்களை சிலிர்ப்பின் சிகரத்திற்கு அழைத்துச் செல்லும் என்பது என் திடமான நம்பிக்கை.

நேசத்தோடு, தி. குலசேகர்

วันเปิดตัว

อีบุ๊ก: 3 มกราคม 2563