Munampu

മലയാളത്തിലെ ഏറ്റവും സൂപ്പര്‍ഹിറ്റ് ജയില്‍ബ്രേക്ക് നോവല്‍! ഈ പുസ്തകത്തെ വിശേഷിപ്പിക്കാന്‍ 'ഉദ്വേഗജനകം' എന്ന ക്ലീഷേ വാക്ക് ഒട്ടും മതിയാകില്ല. ഓരോ താളിലും അപ്രതീക്ഷിതമായ ട്വിസ്റ്റുകള്‍ നിറഞ്ഞ, ശ്വാസമടക്കിപ്പിടിച്ച് മാത്രം വായിച്ചുതീര്‍ക്കാവുന്ന ഇതുപോലൊരു നോവല്‍ ഇതുവരെ വായിച്ചിട്ടുണ്ടാവില്ലെന്ന് ഉറപ്പ്.

കണ്ണൂര്‍ സെന്‍ട്രല്‍ ജയിലിന്റെ ഇരുമ്പഴികള്‍ക്കുള്ളില്‍ വച്ചാണ് അര്‍ജുനന്റെയും പവിത്രന്റെയും സൗഹൃദത്തിന്റെ തുടക്കം. തങ്ങളെ കൊലപാതകക്കേസുകളില്‍ കുടുക്കി ജയിലിലടച്ച യഥാര്‍ത്ഥ വില്ലന്മാര്‍ ആരാണെന്ന് അവര്‍ക്കറിയില്ല. പുറത്തിറങ്ങി യഥാര്‍ത്ഥ കൊലയാളികളെ കണ്ടുപിടിക്കാതെ തങ്ങളുടെ നിരപരാധിത്വം തെളിയിക്കുക അസാധ്യം! ഒടുവില്‍ അവര്‍ ആ തീരുമാനത്തിലെത്തുന്നു-ജയില്‍ ചാടുക! അതീവ സുരക്ഷയുള്ള ജയിലില്‍ ഇത്രയും സുരക്ഷാഭടന്‍മാരുടെ കണ്ണുവെട്ടിച്ച് രക്ഷപ്പെടുക സാധ്യമാണോ? ഇനി ഭാഗ്യം കൊണ്ട് ജയില്‍ ചാടിയാല്‍ തന്നെ, വലിയ വ്യവസായികളും ശക്തമായ രാഷ്ട്രീയ സ്വാധീനവുമുള്ള എതിരാളികളോട് പോരാടി ജയിക്കാന്‍ അര്‍ജുനനും പവിത്രനും കഴിയുമോ? അതിസാഹസികമായ രക്ഷപ്പെടലിന്റെയും പ്രതികാരത്തിന്റെയും കഥ പറയുന്ന തികച്ചും വ്യത്യസ്തമായ ക്രൈം ത്രില്ലര്‍!

© 2026 Manorama Books (Audiobook): 9789359592169

Release date

Audiobook: 23 September 2026