Aha! Vúlkan

Af hverju koma eiginlega eldgos? Sævar og Sigyn komast til botns í málinu en þurfa auðvitað að fara um víðan völl í leiðinni. Við heyrum sögur af ásum og jötnum, og skjaldbökum sem geta ekki hætt að rífast, fáum að vita hvernig eldgos eru nettust og heyrum hvað gerist eiginlega ef maður dettur í glóandi hraun. Og auðvitað fær Sævar aðeins að tala um geiminn. Sigyn Blöndal og Sævar Helga Bragason ættu flestir krakkar að vera farin að þekkja. Sjónvarp, útvarp, bækur og hljóðbækur - hvar sem þau koma við hafa Sigyn og Sævar einstakt lag á að flétta saman fróðleik og skemmtun, enda eru þau bæði klár og skemmtileg. Hér bregða þau enn og aftur á leik og velta upp hinum ýmsu spurningum sem brenna á okkur. Hvert fer eiginlega kúkurinn? Hvaðan kom allt? Og er mamma þín kannski geimvera? Í hljóðseríunni Aha! er gerð tilraun til að svara þessum, og fleiri, spurningum. Á leiðinni kemur reyndar líka margt í ljós sem alls enginn spurði að.

© 2022 Storytel Original (Hljóðbók): 9789180369985

Útgáfudagur

Hljóðbók: 9 september 2022