Jól í Litla bakaríinu við Strandgötu

Jólin eru að koma í Mount Polbearne. Ljósastaurarnir eru skreyttir rauðum borðum og hvítum látlausum ljósaseríum og í öllum gluggum má sjá uppljómuð jólatré og kertaljós. Hátíð er í bæ og yfir blika bjartar stjörnur.

Polly Waterford sér fyrir sér róleg og hugguleg jól í faðmi unnustans, hunangsbóndans Huckle, og lundans Neil í gamla vitanum sem þau hafa gert að heimili sínu. En hlutirnir fara ekki alltaf á þann veg sem áætlað er. Kerensa, besta vinkona Pollyar, treystir henni fyrir leyndarmáli sem ógnar samböndum þeirra beggja. Að auki kemst Polly að sannleikanum um uppruna sinn sem móðir hennar hefur haldið kyrfilega leyndum fyrir henni. Allt er skyndilega breytt og tilveran hrynur. Jólabaksturinn í Litla bakaríinu við Strandgötu breytist í martröð. En þá gerast óvæntir atburðir. Verður jólunum bjargað?

Sjálfstætt framhald Litla bakarísins við Strandgötu og Sumars í Litla bakaríinu við Strandgötu sem slegið hafa í gegn á Íslandi.

Hugljúf saga eftir skoska metsöluhöfundinn Jenny Colgan sem heillað hefur lesendur um allan heim með notalegum, fyndnum og lystaukandi bókum sínum.

© 2022 Angústúra (Hljóðbók): 9789935523440

Þýðendur: Ingunn Snædal

Útgáfudagur

Hljóðbók: 7 november 2022