Kopareggið

Sumarliði og Sóldís eru flutt með pabba sínum og mömmu í kjallarann til flóttastelpunnar Karítasar. Þar er fullt af bókum sem þau gleypa í sig til að finna út hvernig lífið var í gamla daga þegar fólk átti síma og tölvur og reiðhjól.

Inni á milli bókanna leynast líka hátæknileg skilaboð frá fortíðinni! En rustarnir í Heiðardalnum hafa engu gleymt og senda njósnara til að grennslast fyrir um hvað þau eru að bardúsa þarna í kjallaranum.

Kopareggið er framhald Silfurlykilsins eftir Sigrúnu Eldjárn sem hlaut Íslensku bókmenntaverðlaunin í flokki barnabóka, og var tilnefnd til bæði Barnabókaverðlauna Reykjavíkur og Barna- og unglingabókaverðlauna Norðurlandaráðs. Hér í lestri Berglindar Öldu Ástþórsdóttur.

© 2023 Mál og menning (Hljóðbók): 9789979350682

Útgáfudagur

Hljóðbók: 4 juli 2023