Illugi Jökulsson verður stöðugt forvitnari um sögu íslensku þjóðarinnar og margvísleg önnur fræði þar að lútandi. Hann hefur því fengið til sín fjölda fræðimanna til að spjalla við sig um bækur þeirra og aðrar rannsóknir og varpa ljósi á niðurstöður sem oft eru nýstárlegar og spennandi.

Anna Dóra Antonsdóttir sagnfræðingur hefur helgað sig kennslu og rannsóknum, ekki síst á sögu 19. aldar, og skrifað sögulegar skáldsögur upp úr slíku efni auk þess að taka saman margvíslegt sögulegt efni í spennandi bækur fyrir ungt fólk. Þegar hún fór að rannsaka Skárastaðamálið svonefnda sem átti sér stað í Miðfirði á ofanverðri 19. öld og komst í mjög ítarlegar dómabækur og fleiri heimildir fannst henni óþarfi að gera efninu skil í skáldskap, raunveruleikinn væri nógu dramatískur.

Málið snerist um sviplegt andlát tveggja kornabarna og endaði með langri fangavist fyrir tvo einstaklinga. Illugi Jökulsson ræddi við Önnu Dóru um Skárastaðamálið og það dimmleita samfélag sem það var sprottið úr.

© 2020 Storyside (Hljóðbók): 9789179415211

Útgáfudagur

Hljóðbók: 1 januari 2020