Sönn íslensk sakamál: S1E4 – Kviðrista á Hverfisgötu

Árið 1979 var kaldrifjað morð framið á Hverfisgötu og mátti helst líkja því við aftöku án ástæðu. Var hér kominn maðurinn sem ógnaði tveimur börnum með skammbyssu á heimili þeirra tíu árum áður? Þá kunna nýjar vísbendingar að varpa ljósi á hið dularfulla morð á Gunnari Tryggvasyni leigubílstjóra árið 1968.

Sjónvarpsþættirnir Sönn íslensk sakamál nutu mikilla vinsælda undir lok tíunda áratugar síðustu aldar. Fyrsta þáttaröðin var í umsjón Sigursteins Mássonar sem einnig var þulur en í áranna raðir hefur rödd hans orðið einkennandi fyrir umfjöllun um íslensk sakamál. Nú hafa Sönn íslensk sakamál öðlast nýtt líf í hljóðbókarformi Storytel Original og í þessari nýju spennuþrungnu þáttaseríu fer Sigursteinn yfir bæði ný og gömul mál þar sem í ljós kemur að ekki eru öll kurl komin til grafar. Heimildaöflun og aðstoð við handrit: Þórunn Kristjánsdóttir. Tónlist: Máni Svavarsson.

© 2020 Storytel Original (Hljóðbók): 9789179737733

Útgáfudagur

Hljóðbók: 17 februari 2020