Klukkan sex að morgni ber lögreglan að dyrum hjá ungum hjónum í Kópavogi og hefur heimilisföðurinn á brott með sér. Hann hefur aldrei komist í kast við lögin en er nú sakaður um morð. Hann er settur í einangrun og látinn dúsa í gæsluvarðhaldi í 105 daga — jafnvel þótt fljótlega verði ljóst að hann sé saklaus. Þetta gerðist í janúar 1976 á Íslandi.

Hvernig gat þetta gerst? Hvaða áhrif hefur jafn skelfileg lífsreynsla á ungan mann? Hvernig er að lenda saklaus í klóm réttvísinnar á Íslandi?

Magnús Leópoldsson hefur í tvo áratugi þagað um þessa erfiðu daga sína í Síðumúlafangelsi þegar yfirvöld töldu víst að hann hefði myrt Geirfinn Einarsson og honum væri best að játa. Nú finnst Magnúsi vera kominn tími til að leysa frá skjóðunni.

Jónas Jónasson rithöfundur hefur sent frá sér skáldverk, barnabækur og leikrit, auk bóka um líf ólíkra einstaklinga. Þá er hann landsþekktur fyrir einlæg og ágeng viðtöl sín. Hér skapar hann eftirminnilegt verk um átakanlega reynslu.

Hinrik Ólafsson les.

© 2019 Storyside (Hljóðbók): 9789178899210

Útgáfudagur

Hljóðbók: 27 mars 2019