*Jersey drengirnir 3*

Ethan Noble er þjálfari miðskólaliðsins í amerískum fótbolta og vinnur þar gríðargott starf. Heima á myndarlegi ekkillinn hins vegar fullt í fangi með að fást við börnin sín fjögur, sem eru hvert öðru yndislegra. Hann er sko alls ekki að leita að ástinni... eða það heldur hann að minnsta kosti. Þegar dóttir hans fer að hamra á því að leiklistarkennarinn hennar, Claire Jacobs, sé fullkomin handa honum kemur í ljós að Ethan má hafa sig allan við að standast fallega brosið hennar og smitandi hláturinn.

Claire hugsar með sér að henni þætti ekkert verra þótt Noble þjálfari færi á fjörurnar við hana. En fjölskylduaðstæður hans eru flóknari en hjá Hamlet! Ethan syrgir enn konu sína og Claire veit að hún er ekki efni í stjúpmóður, enda þótt henni verði sífellt hlýrra til Noble-ættarinnar. Bíður Claire átekta eftir draumaprinsinum eða bíður hennar hlutverk í Noble-fjölskyldunni?

© 2021 Storyside (Rafbók): 9789180291385

Þýðandi: Viktoría Einarsdóttir

Útgáfudagur

Rafbók: 3 november 2021