Hér segir af höfðingjasyninum Urðarketti eða Finnboga ramma sem borinn var út nýfæddur og ólst upp í koti hjá karli og kerlingu þar til faðir hans gekkst við honum tólf ára gömlum.

Í útlöndum vann hann fágæt afrek og komst í vinfengi við valdsmenn, heima átti hann lengi í útistöðum við aðra stórbændur og höfðingja, hraktist víða en endaði á friðarstóli. Fáir kappar voru fræknari en Finnbogi og er sagan skemmtileg og viðburðarrík.