Hvað rekur mann til þess að henda sér fram af vita á Stokkseyri? Ég sé hann fyrir mér þar sem hann liggur í blóði sínu undir þessum vita í rúman sólarhring, án þess að nokkur yrði hans var. Án þess að nokkur saknaði hans.

Flest bendir til að forstjóri Einarshafnar, eins stöndugasta smásölufyrirtækis landsins, hafi fyrirfarið sér enda kemur fljótt í ljós að þar er maðkur í mysunni og staðan allt önnur en talið var. Brynjari, sem starfar hjá ráðgjafarfyrirtæki í Reykjavík, er falið að rannsaka málið. Á sama tíma ríkir mikil eftirvænting í samfélaginu vegna fyrirhugaðrar olíuvinnslu á Drekasvæðinu. Fyrr en varir dregst Brynjar inn í atburðarás þar sem líf og tilvera venjulegs fólks er skiptimynt í miskunnarlausu valdatafli. Sérlega spennandi bók í frábærum lestri Atla Rafns Sigurðarsonar leikara.

© 2020 Bókafélagið (Hljóðbók): 9789935517548

Útgáfudagur

Hljóðbók: 5 oktober 2020