Frásagnir hafa ekki það hlutverk fyrst og fremst að vera sannar, heldur er þeim ætlað að rækta samúð með mönnum, gera þeim erfitt fyrir að koma fram við aðra menn eins og dauða hluti. Sagan af sjóreknu píanóunum er þrálátt, síbreytilegt stef í þeirri óvenjulegu uppvaxtarsögu sem Guðrún Eva Mínervudóttir segir í þessari bók.

Samkvæmt einni útgáfu sögunnar stóðu píanóin í öllum veðrum á hafnarbakkanum þar til þeim var ekið á haugana. Samkvæmt annarri útgáfu féllu þau fyrir borð í ofsaveðri, tvö þeirra rak á land fyrir austan en hin sukku í djúpið. Frumleg og fjörleg skáldsaga í frábærum lestri Álfrúnar Örnólfsdóttur.

© 2020 Storyside (Hljóðbók): 9789152122242

Útgáfudagur

Hljóðbók: 25 juni 2020