„Einhver skemmtilegasta bók sem rituð hefur verið.“ - Egill Helgason „Frábær bók, oft á toppi sagnfræðinga um Rómaveldi.“ - Hallgrímur Helgason

Um árið 100 hóf Suetonius að skrifa sögu fyrstu keisara Rómaveldis. Í afar fjörugri og líflegri frásögn rekur hann afreksverk þeirra jafnt sem ótrúlega glæpi, samsæri, undirferli og yfirsjónir í rúminu í bland við orrustur, borðsiði og fjölskyldumál. Þetta er sú bók sem listamenn leita til þegar þeir vilja litríka og nákvæma mynd af mögnuðum tíma í sögu mesta heimsveldis fornaldar. Þetta er sannarlega bersögul og tæpitungulaus frásögn.

Þýðing verksins var styrkt af Miðstöð íslenskra bókmennta.

Í þessum fimmta hluta Tólf keisara segir frá „ári hinna fjögurra keisara.“ Eftir að Nero gekk fram af Rómverjum var keisaraætt Ágústusar útdauð og skammlífir herforingjar og framagosar börðust um völdin. Fyrstur var hinn strangi Galba sem allir hefðu verið sammála um að yrði góður keisari, bara ef hann hefði ekki orðið það. Svo kom hinn ungi Otho en hans göfugasta verk þótti vera að svipta sig lífi! Síðastur á þessu mjög svo viðburðaríka ári var átvaglið Vitellius sem virtist líta á keisaradæmið eingöngu sem tækifæri til að halda sem íburðarmestar matarveislur.

© 2021 Storyside (Hljóðbók): 9789152181294
© 2021 Storyside (Rafbók): 9789180627986

Þýðandi: Illugi Jökulsson

Útgáfudagur

Hljóðbók: 21 juli 2021
Rafbók: 21 juli 2021