Hernámsnóttin 10. maí 1940 er ein áhrifamesta nótt Íslandssögunnar. Íslendingar drógust inn í átök heimsstyrjaldarinnar og þjóðlífið umturnaðist á skömmum tíma. Í þessari bók er þessi örlagasaga sögð í fyrsta sinn frá sjónarhóli allra þátttakenda. -- Söguleg handtaka þýska ræðismannsins og SS-foringjans Gerlachs. -- Orðrómur á Austurfjörðum sem blandaðist inn í einn mesta harmleik breska flotans á stríðsárunum. -- Ráðagerðir Hitlers um að hrifsa Ísland úr höndum Breta og innlima það í Þriðja ríkið. -- Víðtæk njósnastarfsemi Breta og Bandaríkjmanna á Íslandi. -- „Svarti listinn“, sem njósnaforingjar bandamanna gerðu til undirbúnings handtökum á tæplega 700 meintum andstæðingum hérlendis, er hér birtur í fyrsta sinn. Bretarnir koma byggist á ógrynni íslenskra og erlendra skjala sem leynd hvíldi lengi yfir í söfnum. Saman við þessar heimildir fléttast frásagnir frá hundruðum heimildarmanna og sjónarvotta. Bækur Þórs Whitehead um Ísland í síðari heimsstyrjöld hafa notið einstakra vinsælda. Frásögn Þórs er lifandi og á köflum mjög spennandi án þess að slakað sé á fræðilegum kröfum. Árið 1996 hlaut Þór Íslensku bókmenntaverðlaunin fyrir bókina Milli vonar og ótta.

© 2022 Ugla útgáfa (Hljóðbók): 9789935217806

Útgáfudagur

Hljóðbók: 6 december 2022