Þriðja Mósebók: Leviticus

Alþjóðlegt heiti Þriðju Mósebókar, Leviticus, er dregið af grísku og latnesku heiti bókarinnar. Prestarnir voru af ætt Leví og er heitið því vel við hæfi. Meginefni ritsins er lög, reglur og fyrirmæli um helgihald og presta. Ritið er tengt frásögnum í öðrum Mósebókum af atburðum við Sínaí (2Mós) með örstuttum inngangi (1.1) og niðurlagi (27.34). Í Þriðju Mósebók fjallar aðeins einn kafli um samskipti manna innbyrðis, þ.e. 19. kaflinn. Í þeim kafla er að finna hið þekkta boð (18. vers) um náungakærleikann. Að öðru leyti fjallar ritið um samskipti manna við Guð. Allt sem guðsþjónustuna varðar er sett fram sem opinberun á vilja Guðs.

Skipting ritsins

1.1–7.38 Lagabálkur um fórnir

8.1–10.19 Frásagnir um upphaf guðsþjónustuhalds

11.1–15.33 Lagabálkur um hreint og óhreint

16.1−16.34 Friðþægingardagurinn

17.1–26.46 Heilagleikalögin

27.1−27.34 Um áheit, helgigjafir og afgjöld

© 2024 Hið íslenska biblíufélag (Hljóðbók): 9789935553027

Útgáfudagur

Hljóðbók: 17 augusti 2024