Illugi Jökulsson verður stöðugt forvitnari um sögu íslensku þjóðarinnar og margvísleg önnur fræði þar að lútandi. Hann hefur því fengið til sín fjölda fræðimanna til að spjalla við sig um bækur þeirra og aðrar rannsóknir og varpa ljósi á niðurstöður sem oft eru nýstárlegar og spennandi.

Þórunn Jarla Valdimarsdóttir er bæði skáld og sagnfræðingur. Hún hefur skrifað rómaðar ævisögur, svo sem um Snorra á Húsafelli og Matthías Jochumsson, þar sem hún notar innsæi sitt óhikað í bland við sagnfræðilega nákvæmni.

Í verki sínu, Skúli fógeti: Faðir Reykjavíkur – saga frá átjándu öld, tekst hún á við Skúla Magnússon, sem nefndur hefur verið faðir Reykjavíkur. Hann var og er í sögunni holdgervingur þess tíma þegar reynt er að kippa íslensku samfélagi úr stöðnun miðalda. Skúli var stór í sniðum og þótt ekki gengi allt upp sem hann ætlaðist fyrir er staða hans í Íslandssögunni trygg. Í samtali við Illuga Jökulsson segir Þórunn frá bókinni um Skúla en fer líka á vængjum skáldfáksins um víðari völl og kemur sannarlega víða við.

© 2019 Storyside (Hljóðbók): 9789179415174

Útgáfudagur

Hljóðbók: 4 december 2019