Af fingrum fram – Tónlistarmaðurinn Jón Ólafsson ræðir við íslenskt tónlistarfólk um feril þess og lífshlaup.

Samúel Jón var plataður til að læra á básúnu af breskum tónlistarkennara vestur á fjörðum. Honum leiddist nótnalesturinn en þegar honum var ungum kippt inn í stórsveit blásara tók hann stefnuna upp á við. Samúel hélt að hann myndi deyja í danstíma í Afríku en lifði af og hefur verið duglegur að skoða heiminn í slagtogi við tónlistargyðjuna. Velgengni íslenska karlalandsliðsins í knattspyrnu vakti upp í honum nýtt áhugamál sem hann líkir við maníu. Í lok þáttarins flytur hann eitt lag ásamt Jóni.

Upphaf þáttanna Af fingrum fram má rekja tæp 20 ár aftur í tímann þegar samnefndir sjónvarpsþættir hófu göngu sína hjá RÚV og hlutu þeir Edduverðlaunin strax á fyrsta vetri. Þættirnir skipta nú tugum, rétt eins og spjalltónleikaröð í Salnum sem ber þessa sömu yfirskrift og hefur gengið fyrir fullu húsi í 11 ár. Jón er meðlimur í hljómsveitinni Nýdönsk og hefur verið ótrúlega afkastamikill á hinum ýmsu sviðum tónlistarinnar í áratugi. Hann skrifaði ævisögu Vilhjálms Vilhjálmssonar.

© 2020 Storyside (Hljóðbók): 9789152119686

Útgáfudagur

Hljóðbók: 4 juni 2020