Árið 1970 verður ung stúlka ástfangin í síldarævintýri á Siglufirði. Maðurinn hverfur úr lífi hennar og þegar hún uppgötvar að hún er ófrísk gengur hún í Rauðsokkahreyfinguna til að fá hjálp við að komast í fóstureyðingu.

Fimm árum síðar, sumarið ´75, býr hún enn hjá óþolandi móður sinni með litlu dóttur sína. Hún er nýútskrifuð úr Háskólanum og fær vinnu við að svara bréfum í Kæri Póstur á Vikunni. En þar birtist gaurinn aftur. Hann veit ekkert um barnið, hún er ennþá hrifin af honum, en orðin gallhörð Rauðsokka að undirbúa Kvennafrídaginn og upplifir mikla togstreitu þegar hún sér hann nú í öðru ljósi.

Elín Gunnarsdóttir nam leiklist við The London Academy of Music and Dramatic Art, þar sem hún lærði meðal annars útvarpsleik hjá yfirmanni leiklistardeildar BBC Radio. Eftir nám bætti hún við sig þjálfun í textaflutningi hjá nemanda Jim Henson prúðuleikara. Hún var lengi vel á samningi hjá Disney og er kannski þekktust fyrir túlkun sína á kúrekastelpunni í Toy Story og þýðingar og aukahlutverk í Wall-e og Ratatouille. Hún hefur einnig lokið undirbúningsnámi í talmeinafræði við Háskóla Íslands. Sumarið ´75 var upphaflega skrifað sem kvikmyndahandrit og er þessi bók því einfölduð útgáfa af stærra verki.

© 2023 Storyside (Hljóðbók): 9789180843645
© 2023 Storyside (Rafbók): 9789180843652

Útgáfudagur

Hljóðbók: 27 juli 2023
Rafbók: 27 juli 2023