Alma Jónsdóttir blaðamaður fær þær fréttir að gamall maður að Bjargarlæk í Árnessýslu hafi dáið. Gunnhildur, dóttir Ölmu, hafði ráðið sig austur í sveit til að annast þennan mann og tvær aldraðar systur hans. Dauðsfallið fær svo mjög á Gunnhildi að Alma fer austur í sveitir dóttur sinni til halds og trausts.

Fljótlega verður Ölmu ljóst að dauði gamla mannsins er grunsamlegur, erfðamál blandast inn í málið og gömul leyndarmál leita upp á yfirborðið. Afskekktur sveitabærinn verður vettvangur hins dularfulla og ósagða.

Alma fer í rannsóknargírinn og Sveinbjörg vinkona hennar kemur á staðinn. Spennandi og áleitin saga um glötuð lífstækifæri og óuppgerð glæpaverk sem leita réttlætis í nútíðinni.