Í október 1950 skrifar tvítug kona, í öngum sínum erlendis, foreldrunum bréf sem hún lýkur með orðunum: „Hvað skyldi sá dagur heita sem ég get orðið ykkur til ofurlítils sóma?“ Þrjátíu árum síðar sver Vigdís Finnbogadóttir embættiseið sem fjórði forseti Íslands og fyrsta konan í veröldinni sem kjörin er þjóðhöfðingi í frjálsum lýðræðislegum kosningum.

Hver er saga þeirrar konu sem heillaði ekki bara landa sína í hlutverki forseta heldur hálfa heimsbyggðina um leið með framkomu sinni, hlýju viðmóti og snjöllum orðum? Hér er ítarlega fjallað um uppvöxt hennar og fjölskyldu, áhrifavalda, mótunaröfl og þau áföll sem dundu á Vigdísi áður en hún, einstæð móðir og fráskilin, axlaði það hlutskipti sem þjóðin kaus hana til. Hvað fól það í sér og hvaða fórnir þurfti að færa? Bókin bregður upp einstæðri og margslunginni mynd af manneskjunni Vigdísi Finnbogadóttur, sorgum hennar og sigrum, þannig að saga hennar verður lesanda bæði nákomin og hugstæð.

Páll Valsson, íslenskufræðingur og rithöfundur, ritar sögu Vigdísar. Hann er þekktur fyrir bók sína, Jónas Hallgrímsson – ævisaga, sem færði honum Íslensku bókmenntaverðlaunin. Bókin var valin besta ævisagan í árlegri verðlaunaveitingu starfsfólks bókaverslana árið 2009.

© 2021 Storyside (Hljóðbók): 9789152148099
© 2022 Storyside (Rafbók): 9789180560368

Útgáfudagur

Hljóðbók: 9 april 2021
Rafbók: 10 januari 2022