Hér er á ferðinni fjórða bókin um Afa ullarsokk eftir Kristján Hreinsson. Ferðin yfir fljótið segir frá einkennilegum atvikum sem þrátt fyrir allt eru hluti af ósköp venjulegri atburðarás. Barnshugurinn á það til að breyta eðlilegum aðstæðum í ævintýri og í þessum efnum eru Baddi og vinir hans engar undantekningar.

Furðuleg fjölskyldubönd og sérkennilegar týpur birtast okkur ljóslifandi í fjörlegri frásögn. Afi ullarsokkur er aldrei langt undan ef leysa þarf vanda eða gefa góð ráð. Hér togast á sælustundir og erfið augnablik þar sem viðkvæmar sálir kljást við gleði og sorg.

Sú hlýja sem afi ullarsokkur veit er þess eðlis að hún lætur engan ósnortinn.