Hér getur að lesa af fólki sem barðist og sigraði. Það lifði í myrkri, vonleysi veikinda og einsemdar, það lifði í ótta. Af hverju á þetta fólk erindi við þig? Það ætlar ekki að segja þér ævisögu sína, heldur brot úr sögu þegar dagar voru dimmir.

Og svo kom sólin upp.

Þar sem er vilji, þar er von. Leitaðu ekki langt yfir skammt að friði. Það eru til þekktar leiðir. Það góða fólk sem kom að segja frá í þessari bók sannar það. Ég virði hugrekki þess og drengskap.

- Jónas Jónasson

Áhrifamikil bók sem á erindi við alla sem láta sig mannleg örlög einhverju varða. Hér er lýst átakanlegri lífsreynslu, langri og strangri baráttu fólks sem sigraði að lokum. Einlægni þess og hispursleysi snerta tilfinningar allra þeirra sem finna þörf til að lifa betra og auðgra lífi – í sátt við sjálfa sig og aðra.