Leiðarvísir hótelstjóra að morði

Hvernig skal skara fram úr í starfi og grafa sína eigin gröf í leiðinni... Ekki er allt sem sýnist í einu af glæsilegustu hótelum Reykjavíkurborgar. Undir gulli slegnu og fáguðu yfirborðinu ríkir hörð samkeppni og baneitruð vinnustaðapólitík, þar sem kollegarnir hika ekki við að stinga þig í bakið - og já, morð. Torfi hefur varið starfsævinni í ys og þys hótelbransans og langar ekkert frekar en að lifa í kyrrð og ró. Hann taldi sig kunna öll trixin í bókinni, en daginn sem hann horfir fram á uppsögn missir hann út úr sér þrjú örlagarík orð. Í stað þess að missa vinnuna fær hann alls óvænta stöðuhækkun. En hvert þrep á leiðinni upp metorðastigann er flughált og von bráðar er Torfi flæktur í stórhættulega atburðarás sem hann hvorki skilur né hefur nokkra stjórn á. Leiðarvísir hótelstjórans að morði er ekki hefðbundin morðgáta, heldur er sviðsljósinu beint að angist þeirra sem villast af réttri braut og berast með strauminum niður lífsins refilstigu. Sagan nær sláandi hápunkti á efstu hæð Hótel Bristol í hraðri og óvæntri frásögn sem er full af spennu, litríkum persónum og einstakri kímnigáfu.

© 2025 Storytel Original (Hljóðbók): 9789180673785
© 2025 Storytel Original (Rafbók): 9789180673792

Útgáfudagur

Hljóðbók: 13 januari 2025
Rafbók: 13 januari 2025