Berlín sumarið 1936: Undirbúningur Ólympíuleikanna stendur yfir og nasistar herða heljartök sín á þýsku þjóðlífi. Einkaspæjarinn Bernie Gunther tekur að sér að hafa uppi á stolnum skartgripum fyrir forríkan iðnjöfur og leitin leiðir hann um refilstigu Berlínar rétt fyrir seinni heimsstyrjöld. Áður en hann veit af er hann flæktur í svikavef ýmissa valdamestu manna Þriðja ríkisins, þar sem spilling og fautaskapur mætir honum við hvert fótmál. Innan um allt flögra svo Marsfjólurnar, hópur tækifærissinnaðra lukkuriddara sem stökkva á vagn nasismans sér til framdráttar. Marsfjólurnar er mikilvæg skáldsaga sem notið hefur fádæma vinsælda frá því hún kom út. Æsispennandi og ófyrirsjáanleg fram á síðustu síðu, en um leið fádæma breið þjóðfélagslýsing og lærdómsrík rússibanareið um samfélag sem stefnir hraðbyri inn í alræði og ógnarstjórn Adolfs Hitler.

© 2020 Sögur útgáfa (Hljóðbók): 9789935498533
© 2021 Sögur útgáfa (Rafbók): 9789935311030

Þýðandi: Helgi Ingólfsson

Útgáfudagur

Hljóðbók: 9 april 2020
Rafbók: 10 december 2021