Aþena – Hvað er málið með Haítí?

Vinátta Aþenu og bestu vinkonu hennar kemst í nokkuð uppnám þegar sú síðarnefnda fer að spá í stráka, hálfsystkini er á leið í heiminn og áætlanir um heimsókn til ömmunnar vestan hafs hanga í lausu lofti þegar amman hverfur til hjálparstarfa í rústum jarðskjálftanna á Haítí.

Hér er á ferðinni önnur bókin um Aþenu eftir Margréti Örnólfsdóttur. Ýmislegt ber á góma sem Aþena neyðist til að leggja mat á og verður henni til frekari þroska. Þar má nefna samskipti innan fjölskyldu, einelti og útskúfun, fordóma, jafnréttisbaráttu, sjálfsvirðingu og, síðast en ekki síst, unglingsárin sem bíða handan hornsins, heillandi og ógnvekjandi í senn.

© 2019 Storyside (Hljóðbók): 9789178975792

Útgáfudagur

Hljóðbók: 2 maj 2019