Aisha

Í lúxusíbúð í nýjustu snobbbyggingu Kaupmannahafnar finnst lík af limlestum manni sem hefur verið pyntaður til dauða. Lögreglumaðurinn, Axel Steen, er settur yfir fyrsta morðmálið sem hann rannsakar frá því hann slapp naumlega lifandi frá meiriháttar leyniaðgerð lögreglunnar fyrir tæpum tveimur árum. Axel Steen er skaddaður. Líkaminn er laskaður og dóttir hans óttast um líf hans. Hann þurfti að flytja frá Nørrebro, hverfinu sínu, yfirmaður hans leggur fæð á hann, hann er í nýju sambandi og hefur fengið nýjan félaga í lögreglunni. Hann þarf líka að berjast gegn djöflunum sem áður stjórnuðu lífi hans. Fórnarlambið í Áttunni er Sten Høeck, stjórnandi öryggismála hjá Mærsk og fyrrverandi leyniþjónustumaður. Þegar gamalt hryðjuverkamál blandast inn í rannsóknina verða árekstrar milli starfs og einkalífs og mótstaðan innan lögreglunnar er meiri en hann hefur áður kynnst. Aisha er hrár Kaupmannahafnarkrimmi um lögreglumann sem gerir allt til að ná fram réttlæti fyrir fórnarlömb.

© 2026 Storyside (Hljóðbók): 9789181285369
© 2026 Storyside (Rafbók): 9789181285376

Þýðendur: Ólafur Arnarson

Útgáfudagur

Hljóðbók: 13 maj 2026
Rafbók: 14 maj 2026