Einu sinni var dramadrottning í ríki sínu – Enn af raunum Emblu Þorvarðardóttur

Þegar Embla fréttir að kærastinn hennar ætli að segja henni upp ákveður hún að grípa til sinna ráða. Hún stefnir ótrauð að því að ævintýrið sem líf hennar er fái hamingjuríkan endi þrátt fyrir tímabundið mótlæti og því upphefst leit að nýjum prinsi. En því miður lýtur líf Emblu ekki sömu lögmálum og ævintýri.

Froskar breytast ekki í prinsa heldur breytast prinsar í froska. Hvorki vinalegir dvergar né hjálplegar álfkonur verða á vegi hennar, aðeins forhertir kapítalistar og gallharðir kommúnistar. Í stað eitraðra epla eru talandi plómur, í stað illkvittinna stjúpmæðra birtast naktar stjúpmæður og í stað fallegra ballkjóla koma við sögu allt of þröngar gallabuxur og herðapúðar. Eyðilegðu ekki daginn með því að lesa um brostnar vonir, niðurlægingu, stappaðan fisk, valdarán og þrútnar bólur.

Einu sinni var dramadrottning í ríki sínu er önnur bók Sifjar Sigmarsdóttur um ófarir Emblu en fyrri bókin, Ég er ekki dramadrottning, hlaut góðar viðtökur jafnt hlustenda sem gagnrýnenda.

© 2022 Mál og menning (Hljóðbók): 9789979347606

Útgáfudagur

Hljóðbók: 1 april 2022