„Á bekk í skugganum, nálægt malarstígnum sem liggur frá tröppunum inn í skemmtigarð Castle View, situr maður í svörtum gallabuxum, sparilegum jakka í sama lit og í hvítri skyrtu með efstu töluna óhneppta. Á höfðinu hefur hann lítinn og snoturlegan svartan hatt. Seinna meir á Gwendy eftir að sjá þennan hatt í martröðum sínum.' Við fylgjum Gwendy eftir frá æsku til ævikvölds, frá deginum sem ókunnugi maðurinn breytir lífi hennar, í gegnum erfiðleika og áföll, líf og dauða, harm og hetjudáðir. Hún er tólf ára gömul þegar hún hittir þennan dularfulla mann sem felur henni einkennilega öskju með átta hnöppum og sveif á hvorri hlið. Það kemur í hlut stúlkunnar að gæta hennar sem best hún má ... en á daginn kemur að Gwendy þarf sjálf ekki síður að gæta sín á öskjunni. Með Gwendy sýnir Stephen King enn á sér nýjar hliðar í samvinnu með Richard Chizmar með stórbrotinni og spennandi sögu af einstakri konu sem sýnir makalausan styrk þegar örlögin leggja á hana þyngri byrðar en flestir stæðu undir. Magnað verk í íslenskri þýðingu Ísaks Harðarsonar og Arnórs Inga Hjartarsonar og dáleiðandi lestri Sigríðar Láréttu Jónsdóttur sem enginn ætti að láta framhjá sér fara.

© 2024 Storyside (Hljóðbók): 9789180629980
© 2024 Storyside (Rafbók): 9789180629997

Þýðandi: Ísak Harðarson, Arnór Ingi Hjartarson

Útgáfudagur

Hljóðbók: 28 maj 2024
Rafbók: 28 maj 2024