Sumarhrollur

Glæpasaga sem gerist á Íslandi. Í sumarlok verður meinleysislegur smiður, sem stundum tekur að sér verkefni á mörkum gráa hagkerfisins, aðgangshörðum handrukkara að bana í nauðvörn og felur líkið. Handrukkarans er saknað, mannshvarf tilkynnt til lögreglu og rannsóknarlögreglumennirnir Gunnhildur og Helgi fá málið í sínar hendur. En hinn horfni átti einnig sína félaga úr undirheimum sem nú vilja jafna metin og einn þeirra fer að leita að morðingjanum. Brátt er lögreglan á hælum beggja manna en smiðurinn er alltaf skrefinu á undan. Mun hann sleppa úr netinu sem stöðugt þrengist að honum? Sumarhrollur er fimmta bókin um lögregluforingjann Gunnhildi sem kemur út á íslensku. Fyrri bækurnar fjórar – Á hálum ís, Bláköld lygi, Helköld illska og Kuldagustur – hafa fengið hinar bestu viðtökur. Enski blaðamaðurinn og rithöfundurinn Quentin Bates hefur tekið ástfóstri við Ísland og sögusvið allra glæpasagna hans er á Íslandi. „Glæpasögur í hæsta gæðaflokki, vel skrifaðar, snjall söguþráður og sannfærandi lýsingar á vinnubrögðum lögreglu.“ – The Times „Fangar hinn kalda anda norrænu glæpasögunnar ... Aðdáendur Arnaldar Indriðasonar munu vilja bæta Quentin Bates á leslistann.“ – Eurocrime

© 2024 Ugla útgáfa (Hljóðbók): 9789935219718

Þýðendur: Helgi Ingólfsson

Útgáfudagur

Hljóðbók: 21 november 2024