Sumir virðast ævinlega vera sólarmegin í lífinu og með bros á vör á meðan erfiðleikarnir leita aðra stöðugt uppi. En getur verið að þar vegi aðstæðurnar ekki endilega þyngst heldur viðhorf okkar sjálfra? Í þessari áhugaverðu og uppbyggilegu bók fjallar Sigríður Arnardóttir, Sirrý, um fjölmarga þætti daglegs lífs, framkomu okkar hvert við annað og hvaða augum við lítum tilveruna. Textinn er í senn lipur, lifandi og persónulegur og er hér meðal annars að finna upplýsandi reynslusögur, hagnýt verkefni og notadrjúg hollráð.