kynVera er opinská skáldsaga sem fjallar um kynlíf, samþykki, samskipti, ástina, vináttu og líkamann. Hún fjallar um unglingsstúlkuna Veru sem er að ganga í gegnum allar þær breytingar er fylgja kynþroskanum en hún bíður örvæntingarfull eftir því að byrja á blæðingum. Hún fer í nýjan vinahóp sem talar mjög opinskátt um kynlíf og þar fær hún rými til að kanna sína eigin kynveru og um leið uppgötva kynlíf. Við fylgjumst með henni þroskast, kynnast sjálfri sér og uppgvöta eigin líkama og ástina. Í sögunni birtast því raunverulegar samræður og spurningar sem unglingar, um land allt, hafa spurt að í kynfræðslu.