Fáir hafa skyggnst á bakvið tjöldin í samtímasögu Íslands með sama hætti og rannsóknarblaðamaðurinn Reynir Traustason. Í afhjúpun sinni sviptir hann hulunni af sjálfum sér ásamt samskiptum við valdamikið fólk sem vildi þögn um sín mál.

Reynir er einn umræddasti fjölmiðlamaður landsins og hefur bæði verið kallaður „stórhættulegur mannorðsmorðingi“ og „þjóðargersemi“. Hér fer hann yfir sögu sína allt frá því hann var fæddur af einstæðri móður í Borgarfirði, stundaði sjómennsku fullorðinsárunum og varð verðlaunaður blaðamaður. Þetta er saga af fréttaritara fyrir vestan sem náði að verða ritstjóri og eigandi DV, þar til ferill hans þar endaði með hvelli. Við sögu koma hneyksli sem skóku íslenskt samfélag. Mál Árna Johnsen, Æsumálið, Landssímamálið og nú síðast Lekamálið og átökin sem kostuðu hann starfið. Reynir sjálfur les af stakri snilld.