Í þessari bók er leitast við að gefa fyllri mynd af listaskáldinu góða en þá sem þjóðin hefur hingað til tekið til greina. Hér er jöfnum höndum fjallað um skáldið, náttúrufræðinginn og baráttumanninn Jónas, en um leið sjáum við hann með augum samtímamanna hans, sem ýmist dáðu hann eða hötuðu. Þannig kviknar samtími Jónasar til lífs og fjöldi litríkra persóna kemur við sögu í bók þar sem saman fer sannferðug og traust fræðimennska og fjörleg framsetning.